Амьсгал дутагдлын хам шинжтэй дутуу нярайд хэрэглэнэ. Ургийн хальсны урагдал үүсээд удсаны улмаас (3 долоо хоногоос дээш) амьсгал хямралын хам шинжтэй төрсөн хүүхдэд Куросурф эмчилгээний үр нөлөө төдийлөн сайн байдаггүй. Мөн 600 гр-с бага жинтэй төрсөн хүүхдэд хэрэглэж байсан туршлага одоогоор байхгүй. Амьсгалын дутагдлын хам шинж үүсэх эрсдэлтэй эсвэл сурфактантын илт дутагдалтай 24-31 долоо хоногтой дутуу төрсөн нарайд урьдчилан сэргийлэх зорилгоор хэрэглэнэ.

Итали

1,5 мл 1 флаконд: Үндсэн үйлчлэгч бодис: Порактант альфа - 120 мг

Бэлдмэлийг зөвхөн эмнэлгийн нөхцөлд, нярайн нарийн мэргэшсэн тасагт, мөгөөрсөн хоолойд нь гуурс тавигдсан, амьсгалыг зохиомлоор удирдаж байгаа нөхцөлд, хүүхдэд зүрхний цохилт, артерийн судсан дахь хүчилтөрөгчийн агууламж эсвэл цусан дахь хүчилтөрөгчийн түвшрүүлгийн байнгын хяналтын дор, дутуу төрсөн нярайг сэхээн амьдруулах эмчилгээний туршлагатай эмч нар хийнэ. Куросурф нь хэрэглэхэд бэлэн хэлбэрээр савлагдсан ба хөргөгчинд 2-8 хэмд хадгална. Хэрэглэхийн өмнө тасалгааны хэм хүртэл бүлээсгэнэ. Үүний тулд бэлдмэлийг гартаа хэдэн минут бариад, холилдож нэгэн жигд хөвмөл болтол нь сэгсрэхгүйгээр маш болгоомжтой эргүүлнэ. Хөвмөл бүрэн уустал зөөлөн эргүүлнэ. Куросурфыг флаконоос ариун тариураар авна.